གྲོངས་སའི་གནས།

“པ་རཱག་ལེ་གྷེ་རོ་བ་སྲང་ལམ་ཨང་ ༦༣ ནང་ཡོད་ཆེད་ལས་སྨན་ཁང་ཞིག་ནས་ཡིན་པའི་འགྱིག་ཚིའི་གཤག་བཅོས་སྨན་པ་ལྕམ་ཛ་ཌོ་རོཛ་ན་(Ms. Zádorožná)ལགས་ཀྱིས་ཡཱན་པ་ལ་ཁའི་(སྐྱེས་ལོ་༡༩༤༨)གནད་དོན་གསལ་བཤད་བྱ་རྒྱུའི་ཁས་ལེན་ལྟར་དེ་རིང་དགོང་མོ་ཆུ་ཚོད་༩ ལ་ཕེབས་བྱུང་། མོར་བཅར་འདྲི་ཞུས་པར་བལྟས་ན་ཕྱི་དྲོ་ཆུ་ཚོད་ ༢.༤༥ ཙམ་ལ་ཁོང་གཤག་བཅོས་ཁང་ལ་ཁྱེར་ནས་སྨན་བཅོས་བྱས་ཡོད་འདུག དེ་དུས་ཚབས་ཆེ་མིན་ལ་མ་ལྟོས་པར་ཁོང་གིས་སྐད་ཆ་ཁ་གསལ་བཤད་ཐུབ་པ་དང་། སྨན་ཞབས་པས་ཁོང་ལ་ག་རེ་བྱུང་མིན་འདྲི་སྐབས། ཁོང་གིས་སྲིད་གཞུང་ལ་ངོ་རྒོལ་གྱི་ཆེད་ཁོ་རང་ཉིད་ཀྱིས་བཟོས་པར་དང་ལེན་ཞུས་ཡོད། ཁོང་གིས་ད་དུང་ཁོང་གི་བློས་བཏང་དེ་འབྲས་མེད་གྱུར་ན། ཉིན་ལྔའི་རྗེས་ད་དུང་གཞན་རྣམས་ཀྱིས་ཀྱང་དེ་ལྟར་བྱ་རྒྱུ་ཡིན་པའི་ཉེན་བརྡ་བཏང་ཡོད།”

སྤྱི་ལོ་ ༡༩༦༩ ཟླ་བ་ ༡ ཚེས་༡༨ ཉིན་བི་བྷི་(VB)རྟོག་ཞིབ་ལས་སྣེ་མེ་ཇྷར་ཡ་རོ་སི་ལ་ཝ་བྷུ་ཁར་(Maj. Jaroslav Buchar)གི་གྲོས་མཐུན་ཡིག་ཆ་ནས་དྲངས།

སྤྱི་ལོ་༡༩༦༩ ཟླ་བ་ ༡ ཚེས་༡༦ ཉིན་སྐར་མ་བཅོ་ལྔ་ཙམ་རང་ལུས་མེར་སྦར་རྗེས། ནད་པའི་རླངས་འཁོར་ཞིག་གིས་ལེ་གྷེ་རོ་བ་སྲང་ལམ་དུ་ཡོད་པའི་པ་རཱག་སློབ་གསོའི་སྨན་ཁང་གི་ཁྱབ་ཁུངས་འགྱིག་ཚི་གཤག་བཅོས་ཁང་དུ་སྐྱེལ་པ་རེད། སྨན་ཁང་འདིར་རང་ལུས་ཚབས་ཆེན་འཚིག་པའི་སློབ་ཕྲུག་དེས་ཆེས་མཐའ་མའི་ཉིན་གསུམ་དེ་སྐྱེལ་པ་རེད། དུས་ཚོད་ཕལ་ཆེ་བར་ཁོང་བཞི་མདོའི་ཡང་སྟེང་གི་སྒེའུ་ཁུང་ནང་ངོས་སུ་ཕྱོགས་པའི་ཁང་པ་ཞིག་ནང་བསྡད་པ་རེད།